Para sa isang Dakilang INA
© 2009 Julie Ann Caringal
INAkay mo ako
noong ako'y sanggol pa lamang
bINAntayan bawat araw, bawat gabi
at bINAlot ng wagas na pag-ibig
INAlalayan mo ako sa aking paglaki
kung saan saksi ang buong mundo
INAruga mo ang bawat isang
magandang katangian sa puso kong ito
Ako'y iyong INAalo
sa panahon ng kalungkutan at pighati
at ako'y iyong pINApatawad
anuman ang pagkakamali
Kaya abot langit ang aking pasasalamat
sa Poong Maykapal
na ibinigay Niya sa akin
ang isang INAng walang katulad
Happy MOTHER's Day, Mama!
No comments:
Post a Comment
Share your thoughts. :)